The Education in Cambodia Study Of Story Khmer​​ សិក្សាអត្ថបទរឿ ង ទុគ៌ជន (ត) ផ្នែកទី ៣ កិច្ចតែងការបង្រៀន

ផ្នែកទី ៣

កិច្ចតែងការបង្រៀន

កិច្ចតែងការបង្រៀន

                   កាលបរិច្ឆេទ                 ៖          ថ្ងៃទី     ខែ      ឆ្នាំ

                        មុខវិជ្ជា                         ៖          អក្សរសាស្ត្រខ្មែរ

                        មេរៀន                         ៖          អក្សរសិល្ប៍បរទេស

                        សមត្ថភាព                    ៖          អំណាន “រឿងទុគ៌តជន”

                        វិធីសាស្ត្របង្រៀន          ៖          គោលវិធីសិស្សមជ្ឈមណ្ឌល

                        រយៈពេល                     ៖          ... ម៉ោង ... នាទី

            ១. វត្ថុបំណង

§  ចំណេះដឹង 

-       ដឹងពីជីវប្រវត្តិ និងស្នាដៃអ្នកនិពន្ធបរទេស ដែលល្បីក្នុងសតវត្សទី១៩ គឺលោក Victor Hugo

-       ដឹងពីសង្គមបរិយាកាស និងព្រឹត្តិការណ៍សំខាន់ៗ ដែលកើតឡើងក្នុងសង្គមបារាំង​នាសម័យនោះតាមរយៈស្នាដៃអក្សរសិល្ប៍

-       យល់ដឹងពីដំណើររឿងទាំងមូល

-       យល់ដឹងពីវិធីសាស្ត្រនៃការសរសេររបស់អ្នកនិពន្ធបរទេស

-       ស្វែងយល់ពី អត្ថន័យ អត្ថរូប និងអត្ថរសនៃអត្ថបទ

-       ដឹងពីទស្សនៈអប់រំសំខាន់ៗនៅក្នុងដំណើររឿងទាំងមូល

§  បំណិន 

-       ទាញរកនូវទស្សនៈអប់រំទាំងឡាយក្នុងអត្ថបទ

-       ធ្វើការបកស្រាយបញ្ហាផ្សេងៗនៅក្នុងអត្ថបទ

-       ទាញយកបទពិសោធន៍ល្អៗ តាមរយៈសកម្មភាពរបស់តួអង្គនៅក្នុងអត្ថបទមក​អនុវត្តក្នុងជីវិតឲ្យបានជោគជ័យ

-       មានធម៌មេត្តា ករុណា មានការយោគយល់អធ្យាស្រ័យចំពោះគ្នាជានិច្ច

-       បង្កើតនូវស្នាដៃអក្សរសិល្ប៍ ដែលមានលក្ខណៈជាសកល ដោយឈរលើ​មូលដ្ឋានអត្ថបទ

§  ឥរិយាបថ

-       បណ្តុះគំនិតស្រឡាញ់សន្តិភាព និងប្រជាធិបតេយ្យ

-       បណ្តុះគំនិតចេះយោគយល់គ្នា មានអធ្យាស្រ័យល្អចំពោះគ្នាគ្រប់កាលៈទេសៈ

-       បណ្តុះគំនិតស្អប់ខ្ពើមការជិះជាន់ ការរើសអើង និងការកេងប្រវ័ញ្ចចំពោះគ្នា

-       ឲ្យចេះគោរពស្រឡាញ់ និងដឹងគុណមាតាបិតា និងមានភាពស្មោះត្រង់ជានិច្ច

២. សម្ភារឧបទេស

-       សៀវភៅរឿងទុគ៌តជន

-       សៀវភៅប្រវត្តិវិទ្យា (ថ្នាក់ទី៧ មាននិយាយពីប្រវត្តិសាស្ត្របារាំងនាសម័យនោះ)

-       សៀវភៅអ្នកនិពន្ធរឿងល្ខោនល្បីៗ របស់លោកគឹម ពេជ្រពីរនន់

-       សៀវភៅរឿង Les Misérables មានបីភាគសរសេរជាភាសាបារាំង

-       ឯកសារវីដេអូរឿងទុគ៌តជន

-       រូបភាព និងឯកសារពាក់ព័ន្ធ ដែលដកស្រង់ចេញពីប្រព័ន្ធអ៊ីនធើណែត

៣. ដំណឹកនាំមេរៀន

សកម្មភាពគ្រូ	ខ្លឹមសារមេរៀន	សកម្មភាពសិស្ស
‑ គ្រូពិនិត្យ វត្តមាន អនាម័យ​ សណ្តាប់ធ្នាប់​និងវិន័យរបស់សិស្ស	ជំហានទី១ ( រដ្ឋបាលថ្នាក់ ) ‑ សណ្តាប់ធ្នាប់ វិន័យ អនាម័យ និងវត្តមាន	‑ ប្រធានថ្នាក់រាយការណ៍
‑ គ្រូសួរសំណួររំឭកមេរៀន​ចាស់ ៖ ១. តើមេរៀនដែលយើង​បាន​សិក្សាពីថ្ងៃមុនមាន​ចំណង​ជើងដូចម្តេច ? ២. ដូចម្តេច ដែលហៅថា​រូបារម្មណ៍ ? ៣. រូបារម្មណ៍ដែលនៅក្នុង​អក្សរសិល្ប៍ខ្មែរមានប៉ុន្មាន​ប្រភេទ ? អ្វីខ្លះ ?	ជំហានទី២ ( រំឭកមេរៀនចាស់ ) ‑ បំណិនថ្មី “រូបារម្មណ៍អក្សរសិល្ប៍” ‑ រូបារម្មណ៍ក្នុង​អក្សរសិល្ប៍ ‑ ជាទម្រង់ពិសេសមួយ​នៃអក្សរ​សិល្ប៍ បង្កើត​លក្ខណៈរំភើប​ និងវិចារណៈ ‑ មាន ៤ប្រភេទធំៗ	‑ សិស្សស្តាប់ ធ្វើលំនឹក​កម្ម រួច​ត្រៀមឆ្លើយ​សំណួរ ១. បំណិនថ្មី “រូបារម្មណ៍ ក្នុងអក្សរសិល្ប៍” ២. គឺជាទម្រង់ពិសេស​មួយដែល​កើតឡើង​តាម មធ្យោបាយនៃ​គំនិត វា​ឆ្លុះ​បញ្ចាំងទៅលើពិភព​វត្ថុវិស័យតាមរយៈ​វិចារណ​ញាណ ពោល​គឺបង្កើត​លក្ខណៈ​រំភើប និង​វិចារណៈ ដែលនាំឲ្យ​ស្នាដៃ​អក្សរសិល្ប៍មាន​តម្លៃ ។ ៣. មាន៤ប្រភេទធំៗគឺ ៖ ‑ ឧបមាណរូបារម្មណ៍ ‑ បំរៀបន័យរូបារម្មណ៍ ‑ និមិត្តរូបារម្មណ៍ ‑ រូបារូបីយារម្មណ៍ ។
‑ សំណួរបំផុសមេរៀនថ្មី ១. តើប្អូនៗធ្លាប់បាន អាន​រឿងទុគ៌តជនដែរឬទេ ? ២. តើរឿងនេះនិពន្ធដោយ​នរណា ? ‑ សរសេរចំណងជើងដាក់​​លើក្តារខៀន ១. តើចំណងជើងមាននេះ​​និយាយអំពីអ្វី ? ២. អាន​ចំណង​ជើងរួច តើ​ប្អូនៗគិតអ្វីជា​ដំបូង ? ១. តើអ្នកបានឃើញអ្វីនៅ​ក្នុងរូបភាពនេះ ? ‑ ឲ្យសិស្សស្វែងយល់ពាក្យ​ពិបាកក្នុងសទ្ទានុក្រមដោយ​ខ្លួនឯង ‑ឲ្យសិស្សអានសំណួរត្រិះរិះ​ក្នុងអត្ថបទ ‑ ឲ្យសិស្សអានអត្ថបទរឿង ​ដោយស្ងៀមស្ងាត់ ‑ ឲ្យសិស្សឆ្លើយសំណួរ​ ១. សំណួរទី១ ២. សំណួរទី២ ៣. សំណួរទី៣ ៤. សំណួរទី៤ ៥. សំណួរទី៥ ៦. សំណួរទី៦ ៧. សំណួរទី៧ ៨. សំណួរទី៨ -                     គ្រូសម្រួលចម្លើយ	ជំហានទី៣ ( មេរៀនប្រចាំថ្ងៃ ) សិក្សារឿងទុគ៌តជន ក. ត្រៀមអំណាន ‑ ចម្លើយអាស្រ័យលើសិស្ស ‑ ចម្លើយអាស្រ័យលើសិស្ស (លោក Victor Hugo) ‑ អំណាន រឿងទុគ៌តជន ‑ សិក្សាចំណងជើង ‑ ចម្លើយអាស្រ័យលើសិស្ស ‑ សិក្សារូបភាព ‑ សិក្សាពាក្យពិបាក  ទុគ៌ត (គុ.) ខ. អំណាន ‑ សំណួរត្រិះរិះ ១. តើអត្ថបទរឿងនេះនិពន្ធ​នៅ​ក្នុងឆ្នាំណា ? អ្នកនិពន្ធ​ឈ្មោះអ្វី ? ២. តើរឿងនេះចែកជា​ប៉ុន្មាន​វគ្គ ? អ្វីខ្លះ ? ៣. ចូររកប្រធានរឿងក្នុង​អត្ថបទ​រឿងនេះ ។ ៤. តើនរណាជាជនទុគ៌ត ? អ្វីបាន​ជាអ្នកគិត​បែបនេះ ? ៥. ចូររកមូលបញ្ហា​នៅក្នុង​រឿង និង​ធ្វើការ​វិភាគ ។ ៦. ចូរអ្នករៀបរាប់ពីតួអង្គ​នៅក្នុង​រឿង និងធ្វើការវិភាគ​តួអង្គ Jean Valjean នាង​Cosette  និង Marius ។ ៧. តើអ្នកនិពន្ធបានប្រើ​សិល្ប៍វិធី​អ្វីខ្លះ ក្នុងការតាក់​តែង​រឿង ? រក​ឧទាហរណ៍​បញ្ជាក់ ។ ៨. តើរឿងនេះបង្កប់នូវតម្លៃ និង​ឧត្តមគតិដូចម្តេចខ្លះ ? ‑ រឿងទុគ៌តជន ‑ ឆ្លើយសំណួរត្រិះរិះក្នុង​សៀវភៅ​ ១. ឆ្នាំ១៨៦២ និពន្ធដោយ លោក Victor Hugo ជនជាតិបារាំង ។ ២. ចែកជា ១៥វគ្គ ៖ + វគ្គទី១ Jean Valjean + វគ្គទី២  Fantine + វគ្គទី៣ M. Madeleine +​ វគ្គទី៤ The Man in the Long Yellow Coat + វគ្គទី៥ Valjean and Cosette + វគ្គទី៦ Marius + វគ្គទី៧ The Jondrette + វគ្គទី៨ Marius and Cosette + វគ្គទី៩ M. Gillenormand + វគ្គទី១០ The Barricade + វគ្គទី១១ The Letter + វគ្គទី១២ Fight to the Death + វគ្គទី១៣ The Sewers of Paris + វគ្គទី១៤ The Wedding + វគ្គទី១៥ The Truth at Last ៣. គឺដំណើរជីវិត​របស់​យុវ​ជន បារាំង ដែលរស់នៅដោយ​គ្មាន​ទីពឹង និងពោរពេញដោយ​ឧបសគ្គ​រាប់មិនអស់ ជាមួយការ​តស៊ូ​ប្រឈម​មុខនឹងសង្គម ដំណើរជីវិត​របស់ពួកគេប្រព្រឹត្តដោយក្តីទីទ័លក្រលំបាក សុខ​ចិត្តធ្វើអ្វីៗគ្រប់យ៉ាង​ ដើម្បីមាន​ជីវិតរស់នៅ ។ ឧបសគ្គ​ទាំង​ប៉ុន្មាន អ្ន​កនិពន្ធបានទម្លាក់​ទៅលើ ​ភាព​អយុត្តិធម៌ក្នុងសង្គម ការគ្រ​ប់គ្រង ដែលបាត់នូវជំនឿ​ចិត្ត ​ភាពចលាចល ​អនាធិបតេយ្យ និង​ការបះបោរ ជា​ហេតុ​បណ្តាល​ឲ្យ​មានអថេរភាព​នៅ​ក្នុងសង្គម ។ តែ​នៅទី​បំផុត អ្នក​និពន្ធបានសម្រេច ចិត្តផ្តល់នូវ​ដំណោះស្រាយមួយ​សមស្រប គឺការប្រកាន់យក​សីលធម៌​ក្នុងខ្លួន ដោយការដាក់​ទាន និងការ​សន្តោសប្រោសប្រណី។ ៤. គឺ Jean Valjean ព្រោះតាំងពី​ចាប់ផ្តើម រហូតបញ្ចប់រឿងគាត់​ស្ថិតនៅក្នុងសភាពជាជន ដែល​កម្សត់ បើទោះបីជារស់ក្នុងជីវភាព​អភិជនក៏ដោយ ពោលគឺគាត់​ទុគ៌តទាំងទ្រព្យសម្បត្តិ (ដើមរឿង) ទាំងសេរីភាព និងភាពកក់ក្តៅ ។ ៥. មានដូចជា ៖ ‑ បញ្ហាជីវភាពគ្រួសារ ៖ ទីទ័លក្រ ‑ បញ្ហាសាសនា ៖ មានតួនាទីអប់រំ​មនុស្សឲ្យល្អ ‑ បញ្ហាស្នេហា ៖ ស្នេហារវាងម្តាយ​ឪពុក និងកូន រវាងបង្អូន រវាងគូ​សង្សា រវាង​ប្រទេសជាតិ ‑ បញ្ហាគ្រួសារ ៖ មានការមិនចុះ​សម្រុងគ្នារវាងសមាជិកនីមួយៗ ‑ បញ្ហាគុណធម៌ ៖ ការជួយគ្នាគ្រប់​កាលៈទេសៈ ‑ បញ្ហានយោបាយ ៖ មានការធ្វើ​បដិវត្តន៍ នាំឲ្យគ្រួសារបែកបាក់ ស្លាប់​មនុស្ស ៦. តួអង្គនៅក្នុងរឿងមាន ៖ -   Jean Valjean ឬ M. Madelein ឬ M. Leblance  តួអង្គឯកក្នុង រឿង -   Cosette ឬ Ursula ជាកូនស្រី​របស់នាង Fantine -   Marius កូនរបស់ Pontmercy និងជាស្វាមីរបស់នាង Cosette -   Fantine ជាម្តាយរបស់ Cosette -     Javert ជាអធិការប៉ូលីស -   M. Thénardier ឬ Jondrette ជា​ម្ចាស់តៀមលក់ចំណីអាហារ -   Mme. Thénardier ជាប្រពន្ធ របស់ M. Thénardier -   Éponine ជាកូនស្រីរបស់លោក​Thénardier -   AZelma ជាកូនស្រីរបស់លោក Thénardier -   Gavroche ជាកុមារដែលម៉ែឪ​បោះបង់ចោល -   Myriel ព្រះសង្ឃកាតូលិក -   Mlle. Baptistine ជាប្អូនស្រីរបស់​ព្រះសង្ឃកាតូលិកចិត្តល្អ -   Mme. Magloire ជាអ្នកបម្រើ​របស់ព្រះសង្ឃកាតូលិកចិត្តល្អ -   Champmathieu ជាមនុស្សដែល​គេចាប់ច្រឡំ និងយល់ថាជា Valjean -   Petit-Gervais ជាក្មេងដែល Valjean ដណ្តើមប្រាក់ -   Enjolras មិត្តភក្តិរបស់ Marius -   M. Georges Pontmercy ជាឪពុក​របស់ Marius -   M. Gillenormand ជាជីតារបស់ Marius -   Urbain Fabre ជាឈ្មោះដែល Valjean បោកប្រាស Thénardier -   Fauchelevent ជាបររទេះ ដែល Valjean បានជួយ -   Tholomyès ជានិស្សិតចិត្ត​អាក្រក់បំផ្លាញអនាគត Fantine រួចបោះបង់ចោល វិភាគតួអង្គ ៖ ·     Jean Valjean + គុណសម្បត្តិ -   ជាមនុស្សមានការតស៊ូក្នុងជីវិត -   មានចិត្តធម៌ ជួយសង្គ្រោះ និង​យកអាសារអ្នកដទៃ -   មានចិត្តស្មោះត្រង់ ទទួលស្គាល់​ការពិត -   ជាមនុស្សប្រកបដោយវិចារណញាណ -   ចេះដោះស្រាយហេតុការណ៍កើតឡើងភ្លាមៗ ដោយភាព​វ័យឆ្លាត -   ឧស្សាហ៍ព្យាយាម ម្ចាស់ការ + គុណវិបត្តិ -   ពេលខ្លះមានចិត្តឆេវឆាវ -   មិនគោរពច្បាប់រដ្ឋ ·     Cosette + គុណសម្បត្តិ -   មានសម្រស់ស្រស់ស្អាត -   ស្មោះត្រង់ចំពោះស្នេហា -   ប្រកបដោយឧត្តមគតិ ក្នុង​ការ​ចូលរួមក្នុងការធ្វើបដិវត្តន៍ + គុណវិបត្តិ -   មិនស្តាប់បង្គាប់ឪពុកម្តាយ លួចមានស្នេហា -   មានសូវចេះគិតគូរឲ្យបានវែង​ឆ្ងាយ ·     Marius + គុណសម្បត្តិ -   ជាកូនប្រុសក្នុងត្រកូល​អភិជន មានចំណេះវិជ្ជាខ្ពស់ -   មិនចេះប្រកាន់វណ្ណៈ -   មានភក្តីភាពចំពោះស្នេហា -   មានឧត្តមគតិខ្ពស់ តស៊ូវណ្ណៈ បំបាត់នូវអំពើជិះជាន់ក្នុងសង្គម + គុណវិបត្តិ -   ឆាប់តក់ស្លុតចំពោះហេតុការណ៍ដែលកើតឡើងភ្លាមៗ -   មានការផ្តេកផ្តួលចំពោះស្នេហា​ខ្លាំង -   ឆេវឆាវក្នុងការដោះស្រាយបញ្ហាចំពោះមុខ -   ចិត្តធំ មិនស្តាប់បង្គាប់ចាស់ទុំ ៧. បានប្រើវិធីដូចជា ៖ ‑ អារម្ភវិធី ជាវិធីដែលអ្នកនិពន្ធ​ប្រើក្នុងការផ្តើមរឿង ។ ដូចយើងបានដឹងស្រាប់ហើយថា ប្រលោមលោកបែបទំនើប អ្នក​និពន្ធផ្តើមរឿងដោយសេរី​ ហេតុ​នេះ នៅក្នុងរឿងទុគ៌តជន ក៏ដូច​គ្នា គឺអ្នកនិពន្ធ ធ្វើការផ្តើមរឿង​របស់​លោក ដោយរៀបរាប់ពី​ភិនភាគ​បុរសម្នាក់ ដែលមានរូបរាង​មិន​សមរម្យ ហើយមនុស្សម្នាគ្រប់គ្នា​មានការខ្លាចរអារទៀត​ផង ។ តាម​ពិត​បុរសម្នាក់នោះគឺ Jean Valjean ផ្ទាល់តែម្តង ។ បន្ទាប់ពីនេះ អ្នក​និពន្ធចាប់បន្ត​ដោយសកម្មភាព ជន​នេះ និងមានការរំឭក​រឿងដើមខ្លះ រួចបន្តសាច់រឿង​រហូតចប់ ។ ‑ ពិពណ៌នាវិធី អ្នកនិពន្ធបានធ្វើការពិពណ៌នារៀបរាប់ពីធម្មជាតិ ឬសកម្មភាព​តួអង្គ ។ នៅក្នុង​រឿង​នេះ​អ្នកនិពន្ធ​បានពណ៌នាយ៉ាងច្រើនដូចជា ប្រវត្តិរឿងរបស់ Jean Valjean និង​សកម្មភាព​លួច​នំបុ័ង ។ អ្នកនិពន្ធ​ក៏បានរៀបរាប់ ពីដំណើរដ៏វែង​ឆ្ងាយរបស់តួអង្គឯករូបនេះ ពេល​ចេញពី​ពន្ធនាគារ។ ការពណ៌នា​ពី​សកម្មភាពរបស់ Jean Valjean ដែលស្ថិតក្នុងភាពទុគ៌ត​នៅក្រុង Digne មុនពេលគាត់​បានជួបសង្ឃ​កាតូលិក Myriel ហើយពេលទៅ​ដល់ផ្ទះ​ជួលត្រូវគេ​បណ្តេញចេញ​ ។ ការ​ពណ៌នាពីភាពឯការបស់ Cosette ដែលត្រូវគ្រួសារ Thénadier ធ្វើបាប ។ ការពណ៌នាពីការងារ​ដ៏​ធ្ងន់ធ្ងររបស់ Fantine ក្រោយពីគេ​បានបណ្តេញនាងចេញពី រោង​ចក្រ ដែលនាងធ្វើការច្រើន តែ​ទទួលបានប្រាក់ខែតិចតួច មិន​សម​នឹងកម្លាំងពលកម្ម ។ លោក Victor Higo ក៏បានពណ៌នាផង​ដែរពីជីវិត​ក្មេងអនាថា Gavroche​ និងស្នេហា​អណ្តែតអណ្តូងរវាង Marius និង Cosette ។ ការ​ពណ៌នា ដែលធ្វើឲ្យ​អ្នកអានរឹតតែ​ចាប់អារម្មណ៍ខ្លាំង​ថែមទៀតនោះ គឺ​ទិដ្ឋភាពដែល Jean Valjean ដេកឈឺតែម្នាក់ឯង និងពាក្យ​បណ្តាំចុងក្រោយ ប្រាប់​ទៅកូន​ប្រុសស្រីគឺ Marius និង Cosette។ ‑ វឌ្ឍមានវិធី គឺជាវិធីដែលអ្នក​និពន្ធតុបតែងឡើង ដើម្បីផ្តល់នូវ​ការរីកចម្រើនបន្តិចម្តងៗ នៃរឿង​(សកម្មភាពតួអង្គក្តី) ធ្វើឲ្យមាន​ស្ថានភាព ឬដំណើរតឹងតែង​ឡើង ។ ឧទាហរណ៍ នៅពេលដែល Fantine ឈឺសម្រាកព្យាបាលនៅ​មន្ទីរពេទ្យ ពេលនោះគឺនាង​ចង់​ជួប​មុខ Cosette ដែលជាកូនស្រី​នាង​ជាខ្លាំង ប៉ុន្តែបំណងរបស់​នាង​មិន​បានសម្រេចឡើយ ធ្វើ​ឲ្យ​នាងស្លាប់​ទៅទាំងសោកស្តាយ។ “ ភ្លាមៗនោះ នាងបានបើកភ្នែក ហើយឃើញលោក Madeleine នាងក៏ បានសួរទៅលោក​ដោយ​ស្នាមញញឹមយ៉ាងស្រទន់ថាៈ - ចុះឯណា Cosette ? លោក Madelein  ក៏បាននិយាយតបមក​វិញដោយទន់ភ្លន់ថាៈ - ចាំពេលក្រោយ។ ” លុះក្រោយមក Fantine ក៏បាន​ស្លាប់ទៅ ដោយមិនបានជួប​មុខកូន​ស្រីរបស់នាងឡើយ ។ ‑  សន្ទេហវិធី គឺជាវិធីដែលអ្នក​និពន្ធប្រើសម្រាប់ ធ្វើឲ្យអ្នកអាន​ចង់ដឹងហើយ ចង់ដឹងទៀតអំពី​រឿង​ណាមួយ ដោយគេបែងចែក​រឿង​ជា​ខណៈផ្សេងៗគ្នា ។ ឧទាហរណ៍ - តើ Jean Valjean មានជីវភាព​រស់នៅយ៉ាងដូចម្តេច បន្ទាប់ពី​ចេញពីគុក ? - តើ Jean Valjean អាចជួយ Cosette ដោយយកនាងចេញពី​ផ្ទះ Thénardier តាមវិធីណា ? - តើ Marius អាចជួប Cosette ទៀតទេបន្ទាប់ពីនាង និងឪពុក​នាង ចាកចេញពីទីក្រុង​ប៉ារីស ? - តើ Marius អាចស្វែងរកអ្នក​ដែលបានជួយសង្រ្គោះឪពុករបស់ខ្លួនឃើញដែរឬទេ ? - តើ Marius និងនាង Cosette អាចរៀបការបានគ្នាជាប្តីប្រពន្ធដែរឬទេ​ ? - តើចុងបញ្ចប់ជីវិតរបស់ Jean Valjean ទៅជាយ៉ាងណា ? ‑ សំវាទវិធី គឺជាវិធីដែលអ្នកនិពន្ធ ធ្វើឲ្យតួអង្គចាប់ពីពីរនាក់ឡើងទៅមានការសន្ទនា និយាយសារសង​គ្នារវាងបញ្ហាអ្វីមួយ ​ឬអំពីវិបត្តិ​ទំនាស់ឈ្លោះទាស់ទែងគ្នាដោយពាក្យសម្តី ។ “អ្នកស្រី Thénardier ​និយាយទាំង​ខឹងច្រឡោត នៅពេលឃើញ នាង​តូចថាៈ - តើឯងទៅយកអ្វីបានជាយូរ​ម៉្លេះ? នាងតូច Cosette បាននិយាយ​ឆ្លើយតបទាំងភ័យខ្លាចថាៈ - លោកពូម្នាក់នេះចង់បាន​បន្ទប់ ស្នាក់នៅមួយសម្រាប់យប់នេះ។ ” អ្នកស្រី Thénardier បានសម្លក់​សម្លឹងមើលទៅបុរសចំណាស់នោះដោយមិនអារម្មណ៍អ្វីឡើយ ព្រោះយល់ថាបុរសនោះប្រហែលជាគ្មានលុយទេ ហើយគាត់បាន​និយាយថាៈ “- ខ្ញុំសូមទោស បន្ទប់ស្នាក់នៅ​ពេញអស់ទៅហើយណាលោក។ បុរសចំណាស់នោះ ក៏បាន​និយាយតបវិញថាៈ ខ្ញុំអាចចំណាយប្រាក់សម្រាប់ថ្លៃបន្ទប់បានណាអ្នកស្រី។ ” ‑ ឯកវាទវិធី គឺជាវិធីដែលធ្វើឲ្យ​តួអង្គមួយរូប ដែលទទួលរងទុក្ខ​ទោសក្តី មានការឈឺចាប់ទុក្ខ​ព្រួយក្តី ឬ​កើតមានវិប្បដិសារី អំពី​រឿងអ្វី​មួយ ដោយមាន​ការ​និយាយរំឭក​ពីហេតុភេទ ឬ​រឿងរបស់ខ្លួនតែ​ម្នាក់ឯង ។ ឧទាហរណ៍ នៅពេលដែល Fantine បាត់បង់ការងារធ្វើ នាងក៏​គ្មានប្រាក់ផ្ញើទៅឲ្យគ្រួសារ​ Thénardier ដើម្បីជួយផ្គត់ផ្គង់ដល់ Cosette ជាកូនស្រីរបស់នាង ខណៈ ពេលនោះដែរ Thénardier បាន​សរសេរសំបុត្រជំរិតទារលុយពី Fantine ដោយយកលេសថា​ត្រូវការ​លុយជាចាំបាច់ ដើម្បីទិញ​សម្លៀក​បំពាក់ និងថ្នាំពេទ្យឲ្យ Cosette ។ ពេលនោះនាងមានការពិបាកចិត្ត​ខ្លាំងណាស់ ហើយ​ក៏សម្រេច​ចិត្ត កាត់សក់ និងដកធ្មេញរបស់​នាង​លក់ដើម្បីយកប្រាក់ផ្ញើទៅឲ្យ Thénardier ។ “នាងគិតសញ្ជឹងម្នាក់ឯងថា៖​ សក់ខ្ញុំនឹងដុះលូតលាស់សារជាថ្មីម្តងទៀត ប៉ុន្តែធ្មេញខ្ញុំត្រូវ​បាត់បង់​ជា​រៀងរហូត។ ” ‑វណ្ណនាវិធី គឺជាការនិយាយរឿង ដែលផ្តើម ដោយអ្នកនិពន្ធរវាង​ការទាក់ទងគ្នារវាងសកម្មភាពនៃ​តួអង្គ ។ អ្នកនិពន្ធបាននិយាយរៀបរាប់ អំពីទំនាក់ទំនងគ្នា នៅក្នុងគ្រួសារ​របស់ Marius ថា ៖ Georges Pontmercy បាន​រៀបការ ហើយមានកូនប្រុស​ម្នាក់​ឈ្មោះ Marius ។ គាត់បាន​រស់​នៅឯ The Battle of waterlooតែសំណាង​មិននៅឆ្នាំដដែលនោះ ប្រពន្ធគាត់​បាន​ស្លាប់ ។ ឪពុកក្មេកគាត់គឺលោក Gillenormand គឺជាអ្នកមានទ្រព្យ​សម្បត្តិ​ស្តុកស្តម្ភ ប៉ុន្តែឪពុក​ក្មេក និងកូនប្រសារទាំងពីរ គឺស្អប់គ្នា​ទៅវិញទៅមក ។ ‑ ការបង្ហាញតួអង្គ អ្នកនិពន្ធបានប្រើប្រាស់ នូវវិធី​ច្រើនយ៉ាងក្នុងការបង្ហាញតួអង្គនៅក្នុងរឿងដូចជា៖ + ការបង្ហាញតួអង្គតាមរយៈអ្នក​និពន្ធ ‑ អ្នកនិពន្ធបានចាប់ផ្តើមនិទាន​រឿងដោយការពិពណ៌នាតួអង្គ Jean Valjean ដែលជា​តួអង្គសំខាន់​នៅក្នុងនេះ។ “នៅវេលាល្ងាចមួយ ក្នុងខែ​តុលា ឆ្នាំ១៨១៥ រយៈពេលមួយ​ម៉ោង មុន​ពេលព្រះអាទិត្យ អស្តង្គតបុរសម្នាក់ ដែលមាន​ពុក​ចង្កាវែង ពោរពេញ​ដោយ​ធូលី មានសម្លៀកបំពាក់​រហែក​ដើរសំដៅទៅទីក្រុង Digne ។ គាត់​ស្ថិតក្នុងវ័យ ប្រហែលជា៤០ឆ្នាំ​ប្លាយ មានកម្ពស់ល្មម មានស្មា​ទូលាយ​ និងមាំមួន។ គាត់ពាក់មួក​ស្បែកសត្វ បាំងមុខពាក់កណ្តាល ដែលសម្បូរដោយ​ញើស ។ គាត់​ពាក់អាវពណ៌ក្រហមលាយលឿង និងចំហឡេវបង្ហាញខ្នងគាត់មាន​សាក់កាដូ​ទាហាន ហើយក្នុងដៃ​គាត់មានឈើច្រត់ធំមួយ ។ ” + ការបង្ហាញតួអង្គតាមរយៈតួ​អង្គផ្សេងទៀត ‑ Fantine បានណែនាំកូនស្រីខ្លួន​ឲ្យអ្នកស្រី Thénardier បាន​ស្គាល់ ។ “អ្នកស្រី Thénardier បានសួរ​ថា ៖ ‑ តើកូនអ្នកស្រីឈ្មោះអ្វី ? Fantine បានឆ្លើយថា ៖ ‑ នាងឈ្មោះ Euphrasie ប៉ុន្តែខ្ញុំ ហៅនាងថា Cosettle នាងមានវ័យ​ជិត​៣ឆ្នាំហើយ។” + ការបង្ហាញតួអង្គតាមរយៈតួ អង្គខ្លួនឯងផ្ទាល់ ‑ Fantine បានណែនាំខ្លួនឯងឲ្យ​អ្នកស្រី Thénardier ស្គាល់ ។ “ស្រ្តីក្មេងនោះបាននិយាយថា ៖ - ខ្ញុំមានឈ្មោះថា Fantine ។​ ខ្ញុំ​ធ្លាប់ធ្វើការនៅប៉ារីស ប្តីខ្ញុំបាន​ស្លាប់​បាត់ទៅហើយ ហើយខ្ញុំ ក៏បាត់បង់​ការងារធ្វើដែរ ។ ” ‑ អន្តរវិធី ជាវិធីដែលអ្នកនិពន្ធ​ប្រើដើម្បីបញ្ចប់រឿង។ អ្នកនិពន្ធ Victor Hugo បាន​បញ្ចប់ស្នាដៃរឿងទុគ៌តជន ដោយ​ធ្វើឲ្យតួអង្គឯកគឺ Jean Valjean ស្លាប់ជាមួយនឹងស្នាមញញឹម នៃ​សុភមង្គលរបស់ Cosette និង Marius ។ ៨. ឧត្តមគតិមនៅក្នុងរឿង ៖ -   អប់រំមនុស្សឲ្យចេះជួយគ្នាក្នុងគ្រាមានអាសន្ន -   ធ្វើឲ្យមនុស្សចេះតស៊ូក្នុងជីវិត -   អប់រំមនុស្សឲ្យមានគុណធម៌ សីលធម៌ក្នុងការរស់នៅ -   អប់រំមនុស្ស ឲ្យចេះលះបង់លះ​ប្រយោជន៍ផ្ទាល់ខ្លួន ដើម្បីផល ប្រយោជន៍រួម -   ស្នេហាស្មោះស្ម័គ្រ -   អប់រំមនុស្ស ឲ្យចេះគោរពច្បាប់​សង្គម -   បង្ហាញពីចរិតស្នេហាជាតិ -   ធ្វើឲ្យមនុស្សចេះរើបម្រះពីវណ្ណៈជិះជាន់​ដើម្បីសិទ្ធិសេរីភាព -   អប់រំអ្នកដឹកនាំឲ្យចេះគិតគូរ​ដល់​ប្រជារាស្រ្ត -   អប់រំមនុស្ស ឲ្យចេះគិតគូរ​ពិចារណាឲ្យបានល្អិតមុននឹងធ្វើអ្វីមួយ ។ ‑ សម្រួលចម្លើយសំណួរ​ត្រិះរិះ	‑ សិស្សស្តាប់សំណួរ និងត្រៀម​ឆ្លើយ ១. សិស្សឆ្លើយ ២. សិស្សឆ្លើយ ‑ សិស្សអានចំណងជើង និងចម្លងដាក់ក្នុងសៀវភៅ​ រួចឆ្លើយសំណួរ ១. អំពីជនម្នាក់ដែលរស់​នៅក្នុង​សភាពជនតោក​យ៉ាក ក្រីក្រ ២. សិស្សឆ្លើយ ១. គឺមានមនុស្សស្រីម្នាក់​កំពុង​ទ្រោបខ្លួន ទៅលើ​បុរស​ចំណាស់​ម្នាក់ ‑ សិស្សបើកសទ្ទានុក្រម​ពន្យល់ពាក្យពិបាក  ទុគ៌ត (គុ) សំ. ដែលដល់​នូវ​សេច​ក្តីលំបាក គឺ​ដែល​ទ័លក្រ ដែលក្រី​ក្រ​ទ្រព្យ ដែល​ខ្សត់ទ្រព្យ ។ ‑ សិស្សអានសំណួរ​ត្រិះរិះ ‑ អានអត្ថបទដោយយក​ចិត្តទុកដាក់ត្រៀមឆ្លើយ​សំណួរ ‑ សិស្សឆ្លើយសំណួរ ១. សិស្សឆ្លើយ ២. ឆ្លើយសំណួរទី២ ៣. ឆ្លើយដោយយកចិត្ត​ទុកដាក់ ៤. ឆ្លើយសំណួរទី៤ ៥. ឆ្លើយពន្យល់សំណួរ​ទី៥ ៦. ឆ្លើយសំណួរ ៧. ឆ្លើយដោយយកចិត្ត​ទុកដាក់ ៨. បកស្រាយចម្លើយ ‑ សិស្សកត់ត្រាដាក់ក្នុង​សៀវភៅ
‑ ចែកសិស្សជា៤ក្រុម ៖ +ក្រុមទី១៖ សង្ខេបរឿង +ក្រុមទី២៖ បកស្រាយពី​តម្លៃ​អប់រំរបស់រឿង +ក្រុមទី៣៖ វិភាគតួអង្គ​បន្ថែម +ក្រុមទី៤៖ គូររូបទាក់ទង​នឹង​ឈុតណាមួយនៃរឿង ‑ សម្រួល និងកែលម្អ	ជំហានទី៤ ( ពង្រឹងចំណេះដឹង ) គ. ក្រោយអំណាន ‑ អំណាន រឿងទុគ៌តជន ‑ កែលម្អចម្លើយ	‑ តំណាងក្រុមនីមួយៗ​ឡើង​រាយការណ៍កិច្ចការ​របស់ក្រុមខ្លួន ‑ ជួយកែលម្អចម្លើយ​ទាំងអស់គ្នា និងកត់ត្រា​ដាក់ក្នុងសៀវភៅ
‑ ដាក់កិច្ចការផ្ទះ សំណួរ ៖ បន្ទាប់ពីបាន​សិក្សាស្នាដៃអក្សរសិល្ប៍នេះរួចមក តើប្អូនៗទទួល​បានចំណេះដឹងអ្វីខ្លះ ? ‑ ឲ្យសិស្សមើលមេរៀន​បន្ទាប់ វេយ្យាករណ៍ “ អំពី​កន្សោមកិរិយា ”	ជំហានទី៥ ( បណ្ដាំផ្ញើ ) ‑ កិច្ចការផ្ទះ ‑ វេយ្យាករណ៍ “អំពីកន្សោមកិរិយា”	‑ ស្តាប់ និងកត់ត្រា​សំណួរ​ដាក់​ក្នុងសៀវភៅ ‑ ធ្វើតាមការណែនាំ​របស់​គ្រូ