ធម៌សូត្រ

                  ​អង្គុលិមាលបរិត្តប្បកាសនំ

បរិត្តំ យម្ភណន្តស្ស និសិន្នដ្ឋានធោវនំ ឧទកម្បិ វិនាសេតិ សព្វមេវ បរិស្សយំ សត្ថិនា គព្ភវុដ្ឋានំ យញ្ច សាធេតិ តំខណេ ថេរស្សង្គុលិមាលស្ស លោកនាថេន ភាសិតំ    ​ កប្បដ្ឋាយិ មហាតេជំ បរិត្តន្តម្ភណាម ហេ។

                  នវមំ អង្គុលិមាលបរិត្តំ

យតោហំ ភគិនិ អរិយាយ ជាតិយា ជាតោ នាភិជានាមិ សញ្ចិច្ច បាណំ ជិវិតា​ វោរោបេតា តេន សច្ចេន សោត្ថិ តេ ហេតុ សោត្ថិ គព្ភស្ស អង្គុលិមាលបរិត្តោ និដ្ខិតំ។

                        ពោជ្ឈង្គបរិត្តប្បកាសនំ

សំសារេ សំសរន្តានំ សព្វទុក្ខវិនាសនេ សត្ត ធម្មេ ច   ពោជ្ឈង្គេ មារសេនប្បមទ្ទិនោ ពុជ្ឈិត្វា យេបិ មេ សត្តា   តិភរា មុត្តកុត្តមាអាជាតឹ អជរាព្យាធឹ អមតំ និព្ភយំ គតា ឯវមាទិគុណូបេតំ អនេកគុណសង្គហំ ឳសថញ្ច ឥមំ មន្តំ ពោជ្ឈង្គន្តម្ភណាមហេ។

                  ទសមំ​ ពោជ្ឈង្គបរិត្តំ

ពោជ្ឈង្គោ សតិសង្ខាតោ ធម្មានំ វិចយោ តថា វិរិយម្បីតិ បស្សទ្ធិពោជ្ឈង្គា ច តថាបរេ សមាធុបេក្ខពោជ្ឈង្គា សត្តេ សព្វទដស្សិនា មិនិនា សម្មទក្ខាតា ភាវិតា ពហុលីកតា​សំវត្តន្តិ អភិញ្ញយ និព្វាន ច ពោធិយា ឯតេន សច្ចវជ្ជាន សោត្ថិតេ ហោយុ​ សព្វទា។ ឯកស្មឹ សមយេ នាថោ មោគ្គល្លានញ្ចកស្សបំ គិលានេ ទុក្ខិតេ ទិស្វា ពោជ្ឈង្គេ សត្តទេសយិ តេ ច តំ អភិនន្ទិត្វា រោគា មុញ្ចឹសុ តំខណេ ឯតេន  សច្ចវជ្ជេន​ សោត្ថិ តេ ហោតុ សព្វទា។ ឯកទា ធម្មរាជាបិ គេលញ្ញនាភិបីឡិតោ ចុន្ទត្ថេរេន តញ្ញេវ ភណាបេត្វាន សាទរំ សម្មោទិត្វា ច អាពាធា តម្ហា វិដ្ឋាសិ ឋានសោ ឯតេន សច្ចវជ្ជេន សោត្ថិ តេ ហោតុ សព្វទា។ បហីនា តេ ច អាពាធា តិណ្ណន្នម្បិ មហេសិនំ មគ្គហតក្កិលេសា វ បត្តានុប្បត្តិធម្មតំ ឯតេន សច្ចវជ្ជេន សោត្ថិ តេ ហោតុ សព្វទា ពោជ្ឈង្គបរិត្តំ និដ្ឋិតំ។

                                អភយបរិត្តប្បកាសនំ

បុញ្ញលាភំ មហាតេជំ វណ្ណកិត្តិមហាយសំ សព្វសត្តហិតតំ ជាតំ តំ សុណន្តុ អសេសតោ អត្តប្បរហិតំជាតំ បរិត្តន្តម្ភណាមហេ។

                       ​​         មេត្តិយសុត្តំ

មេត្តិសុត្តំ រតនញ្ច ខន្ធា តានាតិយំ តថា ធជគ្គំ អង្គុលិមាលញ្ច ទិសាបាលញ្ច សត្តមំ អដ្ឋាវីសតិពុទ្ធញ្ច សាខញ្ច ធារនី គិរិមានន្ទំ មោគ្គលានញ្ច ចុន្ទញ្ច កស្សបំ មារាខនុដ្ឋត្ថាយ​ សុរិយំ ចន្ចញ្ចេវ ច ទន្ទំ វេតិជាតកំ រាហុលញ្ចបរិត្តានិ សិរសានិ ច លោកានញ្ច ហិ តត្ថាយ អត្តនោ សាវិកា សច្ចមាតា បិតុរស្សព្វានិ ចតុវេសានេ ពុទ្ធេនេវ បកាសោតា អត្តថាយ ហិតាយ សុខាយ សព្វលោកស្សាតិ។

      ឥមេ មនុស្សា ច រត្តិន្ទិវញ្ច ឥត្ថី វា បុរិសោ វា កុមារោ វា កុមារី​ វា យេ ច ទហរា យរ ច មជ្ឈិមបុរិសា យេ ច វុឌ្ឍា យេ ច ពាលា យេ ច បណ្ឌិតោ យេ ច សព្វ សត្តា អវេរា ហោតុ សុខិតា ហោតុ និទ្ទុក្ខា ហោតុ អព្យាបជ្ឈា ហោតុ អនីឃា ហោតុ ទីឃាយុកា ហោតុ អរោគា ហោតុ សម្បត្តី សមិជ្ឈន្តុ សុខី អត្តានំ បរិហរន្តុ។

      អយំ សុរិយោ ច អយំ ចន្ទោ ច ពារនោ ច នាគោ ច ភារទ្វាជោ ច  សមនោ ច សហស្សទេវា មហិទ្ធិកា មហានុភាវា ច សព្វេ សត្តា អវេរា ហោតុ សុខិតា ហោតុ និទ្ទុក្ខា ហោតុ អព្យាបជ្ឈា ហោតុ អនីឃា ហោតុ ទីឃាយុកា ហោតុ អរោគា ហោតុ សម្បត្តី សមិជ្ឈន្តុ សុខី   អត្តានំ បរិហរន្តុ។

ឥមេ ចាតុម្មហារាជិកា ទេវា តាវតឹសា​ ទេវា យាមា ទេវា តុសិតា ទេវា និម្មានរតី ទេវា បរនិម្មិតវសវត្តី ទេវា យាវព្រហ្មលោកា ព្រហ្មបរុសជ្ជា ព្រហ្មបរោហិតា មហាព្រហ្មា បរិត្តាភា អប្បមាណាភា អាភស្សរា បរិត្តសុភា អប្បមាណសុភា សុភក្កណ្ហកា វេហព្វល្លា អសញ្ញិសត្ត អវេហា ឧទបាសុទស្សា សុទស្សី អកនិដ្ខកា អាកាសានញ្ចាយតនំ វិញ្ញាណញ្ចាយតនំ អកិញ្ចញ្ញាណាយតនំ នេវសញ្ញានាសញ្ញាយតនំ មហាព្រហ្មសង្ខារា បឋមវីតុល្លតោ យាវភវគសមន្តត្តោ ច អវិជ្ជហេត្វា យាវ សុចក្កវាឡេសុ បរិយន្តា ឥថរា សព្វេ សត្តា ឥមេ សត្តា អបាទា វា ទ្វេបាទា វា ចតុបាទា វា ពហុបាទា វា បក្ខិមេហិ វា ជលេហិ វា ថលេហិ វា អន្តលិក្ខេហិ វា ច សព្វេ សត្តា អវេរា ហោតុ សុខិតា ហោតុ និទ្ទុក្ខា ហោតុ អព្យាបជ្ឈា ហោតុ អនីឃា ហោតុ ទីឃាយុកា ហោតុ អរោគា ហោតុ សម្បត្តី សមិជ្ឈន្តុ សុខី អត្តានំ បរិហរន្តុ។

      ឥមេ និរយេ អដ្ឋនិរយេសុ សញ្ជិវេសុ កាលសុតេសុ សង្ឃដេសុ រោរវេសុ មហារោរវេសុ ដាបនេសុ មហាដាបនេសុ អវចីសុ មហាអវចីសុ លោហគម្ពីសុ នហលោហគម្ពីសុ​ សម្ពលី រុក្ខេ វា ខារន្តុ ទេវា អង្គារបព្វទេវា អយំ មហាបឋវី យាវសោឡសមហានិរយេសុ សព្វេ តេ និរយេសុ សត្តា លោកន្តនិរយេសុ សត្តា កាយកម្មេន វា ឧបេតា បេតោ អលេណតោ អសុរិនភូត្តោ មម បញ្ញានុភាវេន មម មេត្តានុភេវេន មម ករុណានុភេវេន ករុណានុភេវេន មុទិតានុភាវេន មម ឧបេក្ខានុភាវេន សព្វេ តេ និរយកសន្តានំ អវេរា ហោតុ សុខិតា ហោតុ ហោតុ និទ្ទុក្ខា ហោតុ អព្យាបជ្ឈា ហោតុ អនីឃា ហោតុ ទីឃាយុកា ហោតុ អរោគា ហោតុ សម្បត្តី សមិជ្ឈន្តុ សុខី អត្តានំ បរិហរន្តុ​ មហាមេត្តិយសុត្តំ។

                        ពុទ្ធជយមង្គលំ

      ពាហំ សហស្សមភិនិម្មិតសាវុធន្តំ គ្រីមេខលំ ឧទិតឃោរសសេនមារំ ទានទិធម្មវិធិនា ជិតវា មុនិន្ទោ តន្តេជាសា ភវតុ តេ ជយមង្គលានិ។

      មារាតិរេកមភិយុជ្ឈិតសព្វរត្តឹ ឃោរម្បនាឡវកមក្ខុំថទ្ធយក្ខំ ខន្តីសុទន្តវិធិនា ជិតវា មុន្ទោ តន្តេជសា ភវតុតេ ជយមង្គលាន។

      នាឡាគិរឹ គជវរំ អតិមត្តភូតំ ទាវគ្គិចក្កមសនីវសុទារុណន្តំ មេត្តម្ពុសេកវិធិនា ជិតវា មុន្ទោ តន្តេជសា ភវតុតេ ជយមង្គលាន។

      ឧក្ខិត្តខគ្គមតិហត្ថសុទារុណន្តំ ធាវន្តិ យោជនបថង្គុលិមាលវន្តំ ឥទ្ធីភិសង្ខតមនោ ជិតវា មុន្ទោ តន្តេជសា ភវតុតេ ជយមង្គលាន។

      កត្វាន កដ្ឋមុទរំ ឥវ គព្ភីនីយា ចិញ្ចាយ ទុដ្ឋវចនំ ជនកាយមជ្ឈេ សន្តេន សោមវិធិនា ជិតវា មុន្ទោ តន្តេជសា ភវតុតេ ជយមង្គលាន។

      សច្ចំ វិហាយមត្តិសច្ចកវាទកេតុំ វាទាភិរោបិតមនំ អភិអន្ទភូតំ បញ្ញាបទីបជលិតោ ជិតវា មុន្ទោ តន្តេជសា ភវតុតេ ជយមង្គលាន។

      នន្ទោបនន្ទភុជគំ វិពុទ្ធំ មហិទ្ធឹ បុត្តេន ថេរភុជគេន ទមាបយន្តោ ឥទ្ធូបទេសវិធិនា ជិតវា មុន្ទោ តន្តេជសា ភវតុតេ ជយមង្គលាន។

ទគ្គាហទិដ្ឋិភុជគេន សុទដ្ឋហត្ថំ ព្រហ្មំ វិសុទ្ធិជុតិមិទ្ធិពកាភិធានំ ញាណគទេន វិធានាជិតវា មុន្ទោ តន្តេជសា ភវតុតេ ជយមង្គលាន។

      ឯតាបិ ពុទ្ធជយមង្គលអដ្ឋគាថា យោ វាចនោ ទិនទិនេ សរតេ មតន្ទី ហិត្វាននេកវិវិធានិ ចុបទ្ទវានី មោក្ខំ សុខំ អធិគមេយ្យ នរោ សាបញ្ញោ។

                        មង្គលចក្កវាឡំ

      សិរីធិតិមតិតេជោជយសិទ្ធមហិទ្ធិមហាគុណាបរិមិតបុញ្ញាធិការស្ស សព្វន្តរាយនិវារណសមត្ថស្ស ភគវាតោ អរហតោ សម្មាសម្ពុទ្ធស្ស ទ្វត្តឹសមណាបុរិសលក្ខណានុភាវេន អសីត្យានុព្យញ្ជនានុភាវេន អដ្ឋុត្តរសតមង្គលានុភាវេន ឆព្វណ្ណរំសិយានុភាវេន កេតុមាលានុភាវេន ទសបារមិតានុភាវេន ទសឧបបារមិតានុភាវេន ទសបរមត្ថបារមិតានុភាវេន សីលសមាធិបញ្ញានុភាវេន ពុទ្ធានុភាវេន ធម្មានុភាវេន សង្ឃានុភាវេន តេជានុភាវេន ឥទ្ធានុភាវេន ពលានុភាវេន ញេយ្យធម្មានុភាវេន ចតុរាសីតិសហស្សធម្មក្ខន្ធានុភាវេន នវលោកុត្តរធម្មានុភាវេន អដ្ឋង្គិកមគ្គានុភាវេន អដ្ឋសមាបត្តិយានុភាវេន ឆឡភិញ្ញានុភាវេន ចតុសច្ចញ្ញាណណានុភាវេន ទសពលញ្ញាណានុភាវេន សព្វញ្ញុតញ្ញាណានុភាវេន មេត្តករុណាមុទុតាឧបេក្ខានុភាវេន សព្វបរិត្តានភាវេន រតនត្តយសរណានុភាវេន តុយ្ហំ សព្វរោគសោកុបទ្ទវទុក្ខទោមនស្សុបាយាសា​ វនស្សន្តុ សព្វអន្តរាយាបិ វិនស្សន្តុ សព្វសង្កប្បា តុយ្ហំ សមិជ្ឈន្តុ ទីឃាយុកា តុយ្ហំ ហោតុ សតវស្សជីវេនសមង្គិកោ ហោតុ សព្វទា    អាកាសបព្វតវនភូមិគង្គាមហាសមុទ្ទា អារក្ខកា ទេវតា សទា តុម្ហេ អនុរក្ខន្តុ។

                          សោឡសមង្គល

សោឡសមង្គលញ្ចេវ នវលោកុត្តរធម្មេ ចត្តារោ ច មហាទីបា បញ្ចពុទ្ធា មហាមុនី តេបិដកធម្មក្ខន្ធា ឆកាមាវចរា តថា បញ្ចទសពលានិ ច សីលទសមហព្វលំ    តេរសធុតង្គានិ ច ទ្វារទសបាដិហារិយំ ឯកមេតឲរុសរា អដ្ឋ ទ្វេចន្ទសុរិយា តថា សត្តពោជ្ឈង្គញ្ច សេដ្ឋំ ចតុទ្ទសចក្កវត្តិ ឯកាទសពិសនូចេវ ឯតេន មង្គលតេជេនសព្វសត្តូ    វិនស្សន្តុ សព្វលាភា   ភវន្តុ តេ។

                          ឯកាទសមំ អភយបរិត្តំ

យន្ទុនិមិត្តំ អវមង្គលញ្ច យោ ចា មនាបោ សកុណស្ស  សទ្ទិ  បាបគ្គហោ ទុស្សុបិនំ អភន្តំ ពុទ្ធាធម្មាសង្ឃានុភាវេន វិនាសមេន្តុ។ ទុក្ខប្បត្តា ច និទ្ទុក្ខា ភយប្បត្តា ច និព្ភយា សោកប្បត្តា ច និស្សោកា ហោន្តុ សព្វេបុឲិ បាណិនោ ឯត្តាវតា ច អម្ហេហិ សម្ភតំ បុញ្ញសម្បទំ សព្វេ ចេវានុមោទន្តុ សព្វសម្បត្តិសិទ្ធិយា ទានំ ទទន្តុ សទ្ធាយ សីលំ រក្ខន្តុ សព្វទា ភាវនាភិរកា ហោតុ គច្ឆន្តុ ទេវតា គតា។ សព្វ ពុទ្ធា ពលប្បត្តា បច្ចេកានញ្ច យម្ពលំ អរហន្តានញ្ច តេជេន រក្ខំ ពន្ធាមិ សព្វសោ។

                          ជយបរិត្តប្បកាសនំ

      ជយំ ទេវមនុស្សានំ ជយោ ហោតុ បរាជិតោ មារសេនា អភិក្កន្តា សមន្តា ទ្វាទសយោជនា ខន្តិមេត្តអធិដ្ខានា វិទ្ធំសេត្វាន ចក្ខុមា ភវាភវេ សំសរន្តោ ទិព្វចក្ខុំ វិសោធយិ បរិយាបន្នោទិសោត្ថានំ ហិតាយ ច សុខាយ ច ពុទ្ធកិច្ចំ វិសោធេត្វា បរិត្តន្តម្ភណាម ហេ។

                      ទ្វាទសមំ ជយបរិត្តំ

មហាការុណិកោ នាថោ ហិតាយ សព្វបាណិនំ បូរេត្វា បារមី សព្វា បត្តោ សម្ពោធិមុត្តមំ ឯតេន សច្ចវជេ្ជន ហោតុតេ ជយមង្គលំ។

      ជយន្តោ ពិធិយា មូលេ សក្យានំ នន្ទិវឌ្ឍនោ ឯវំ ត្វំ វិជយោ ហោហិ ជយស្សុ ជយមង្គលេ អបរាជិតបង្កង្កេ សីលេ បឋវិបោក្ខរេ អភិសេកេ សព្វពុទ្ធានំ អគ្គប្បត្តោ បមោទតិ។ សុនក្ខត្តិ សុមង្គលំ សុបភាតំ សុហុដ្ឋិតំ សុខណោ សុមុហុត្តោ ច សុយិដ្ឋំ ព្រហ្មចារីសុ បទក្ខិណំ កាយកម្មំ វាចាកម្មំ បទក្ខិណំ មនោកម្មំ បណីធី តេ បទក្ខិណា បទក្ខិណានិ កត្វាន លភន្តត្ថេ បទក្ខិណេ។

(ចប់ទ្វាទសបរិត្តធម៌សូធ្យមន្តតូចដោយសង្ខេបខ្លីតែប៉ុណ្ណេះ)

            ៚ព្រះសត្តបរិត្ត ធម្មសូធ្យមន្តធំ៚

                      មហាមេឃសុត្តំ

      ឯវមេ សុត្តំ ឯកំ សមយំ ភគវា រាជគហេ វិរតិ គជ្ឈកូដេ បព្វតេ តេន ខោ បន សមយេន មហាមេឃោ អហោសិ។ អថខោ ភគវា ភិក្ខូ អមន្តេសិ ភិក្ខវោតិ។​ ភទន្តីតិ តេ ភិក្ខូ ភគវាតោ ​បច្ចស្សោសុំ។ ភគវា ឯតទវោច បុរដ្ឋិមស្មឹ ភិក្ខវេ ទិសាភាគេ ចត្តរោ យក្ខា មហាយក្ខា អធិប្បទិន្នោ សេយ្យថីទំ ទីឃោ ច សុតោ ច បន្នតោ ច ការុណិកោ ច ឯតេ ចត្តារោ យក្ខា មហាយក្ខា ពុទ្ធេ បស្សនា ធម្មេ         បស្សនា សង្ឃេ បស្សនា ពុទ្ធេ សគារវា ធម្មេ សគារវា      សង្ឃេ សគារវា តមហំ វទាមិ ទីឃញ្ច សុររតញ្ច បុនក្ខមញ្ច យក្ខញ្ច យក្ខសេនញ្ច យក្ខសម្មាក្ខមញ្ច យក្ខសន្និបាតញ្ច ឯមំ រក្ខំ សុវិតហោតុ មាតិកោ ជីវហេថេតុំ មនុស្សោ វា មនុស្សី​ វា អមនុស្សោ វ អមនុស្សី វា យក្ខោ វា យក្ខី វា ភូត្តោ វា ភូត្តី វា  បេត្តោ វា បេត្តី វា បិសាចោ វា បិសាចី វា គម្ពន្ធោ វា គម្ពន្ធី វា គន្ធព្វោ វា គន្ធព្វី វា កិណ្ណរោ វា កិណ្ណរី វា គច្ឆិន្តំ វា ចិត្តំ វា និសន្នំ វា បណីតំ វា សុត្តំ វា ជាគរត្តំ វា បមត្តំ វា អបមតំ វា រត្តឹ វា ទិវា វា សទា សទា តំ រក្ខន្តុ ហមាយក្ខាតិយ បរិត្ខំ និដ្ឋិតំ។

                              ទសធម្មសុត្តបាឋោ

ឯវមេ សុតំ ឯកំ សមយំ ភគវា សាវត្ថិយំ វិហរតិ ជេនតវនេ អនាថបិណ្ឌិកស្ស អារាមេ។ តត្រ ខោ ភគវា ភិក្ខូ អាមន្តេសិ ភិក្ខវោតិ។ ភទន្តេតិ តេ ភិក្ខូ ភគវតោ បច្ចស្សោសុំ។ ភគវា ឯតទវោច ទស ឥមេ ភិក្ខវេ ធម្មាបព្វជិតេន អភិណ្ហំ បច្ចវេក្ខិតព្វា។ កតមេ ទស។ វេរណ្ណិយម្ហិ អជ្ឈូបគតោតិ បព្វជិតេន អភិណ្ហំ បច្ចវេក្ខិតព្វំ។ បរបពទ្ធា មេ ជីវិកាតិ បព្វជិតេន អភិណ្ហំ បច្ចវេក្ខិតព្វំ។ អញ្ញោមេ អាកប្បោ ករណីយោតិ បព្វជិតេន អភិណ្ហំ បច្ចវេក្ខិតព្វំ។ កច្ចិ នុ ខោ មេ អត្ត សីលតោ ន ឧបវទតីតិ បព្វជិតេន អភិណ្ហំ បច្ចវេក្ខិតព្វំ។ សព្វេ ហិ មេ បិយេហិ មនាបេហិ នានាភាវោ វិនាវោតិ បព្វជិតេន អភិណ្ហំ បច្ចវេក្ខិត្វំ។ កម្មកស្សកោម្ហិ កម្មទាយាទោ កម្មយោនិ កម្មពន្ធុ កម្មបិដិសរណោ យំ កម្មំ ករិស្សាមិ កល្យាណំ វា បាបកំ វា តស្សទាយាទោ ភវិស្សាមីតិ បព្វជិតេន អភិណ្ហំ បច្ចវេក្ខិតព្វំ។ កថម្ភូតស្ស មេ រត្តិន្ទិវា វីតិបតន្តីតិ បព្វជិតេន អភិណ្ហំ បច្ចវេក្ខិត្វំ។ កច្ចិ នុ ខោហំសុញ្ញាគារេ អភិរមាមីតិ បព្វជិតេន អភិណ្ហំ បច្ចវេក្ខិត្វំ។ អត្ថិ នុ ខោ មេ ឧត្តរិមនុស្សធម្មា អលមរិយញ្ញាណទស្សនវិសេសោ អធិគតោ សោហំ បច្ឆិមេ កាលេ សព្រហ្មចារីហិ បុដ្ឋោ ន មង្កុភវីស្សាមីតិ បព្វជិតេន អភិណ្ហំ បច្ចវេក្ខិត្វំ។ ឯមេ ខោ ភិក្ខវេ ទស ធម្មា បព្វជិតេន អភិណ្ហំ បច្ចវេក្ខិតព្វាតិ។ ឥទមវោច ភគវា។ អត្តមនា តេ ភិក្ខូ ភគវតោ ភាសិតំ អភិនន្ទុន្តិ។

                  ចន្ទបរិត្តបាឋោ

      ឯវមេ សុតំ ឯកំ​ សមយំ ភគវា សាវត្ថិយំ វិហរតិ ជេនតវនេ អនាថបិណ្ឌិកស្ស អារាមេ។ តេន ខោ បន សមយេ ន ចន្ទិមា ទេវបុត្តោ រាហុនា អសុរិន្ទេន គហិតោ ហោតិ។ អថខោ ចន្ទិមា ទេវមុត្តោ ភគវន្តំ អនុស្សរមានោ តាយំ វេលាយំ ឥមំ គថំ អាភាសិ។

      នមោ តេ ពុទ្ធីរត្ថុ        វប្បមុត្តោសិ សព្វធិ

      សម្ពាធប្បដិបន្នោស្មិ  តស្ស មេ សរណំ ភគវាតិ។

អថខោ ភគវា ចន្ទិមំ ទេវមុត្តំ អារព្ភ រាហុំ អសុវិន្ទំ គាថា អជ្ឈភាសិ

      តថាគតំ អរហន្តំ ចន្ទិមា    សរណំ គតោ រាហុ ចន្ទំ។

      បមុញ្ចស្សុ ពុទ្ធា               លោកានុកម្បកាតិ។

អថខោ រាហុ អសុរិន្ទោ ចន្ទិមំ ទេវបុត្តំ មុញ្ចិត្វា តរមានរូបោ យេន វេបចិត្ត អសុរិន្ទោ តេនុបសង្កមិ ឧបសង្កមិត្វ សំវិគ្គោ លោមហដ្ឋជា តោ ឯកមន្តំ អដ្ឋាសិ។ ឯកមន្តំ ឋិតំ ខោ រាហុំ អសុរិន្ទំ វេបចិត្តិ អសុរិន្ទោ គាថាយ អជ្ឈភាសិ

      កន្នុ សន្តរមានោ វ រាហុ    ចន្ទំ បមុញ្ចសិ សំវិគ្គរូបោ

      អាគម្ម កិន្នុ ភីតោ             វ តិដ្ឋសីតិ។

សត្តធា មេ ផលេ មុទ្ធា ជីវន្តោ ន សុខំ លតេ ពុទ្ធាគាថាភិគីតោម្ហិ   នោ  ចេ  មុញ្ចេយ្យ     ចន្ទិមន្តិ ចន្ទបរិត្តបាឋោ    និដ្ឋិតោ    ។                     

សុរិយបរិត្តបាឋោ

ឯវមេ សុតំ ឯកំ សមយំ ភគវា សាវត្ថិយំ វិហរតិ ជេតវនេ អនាថបិណ្ឌិកស្ស អារាមេ។ តេន ខោ បន សមយេន សុរិយោ ទេវបុត្តោ រាហុនា អសុរិន្ទេន គហិតោ ហោតិ។ អថខោ សុរិយោ ទេវបុត្តោ ភគវន្តំ អនុស្សរមានោ តាយំ វេលាយំ ឥមំ គាថំ អាភាសិ

        នមោតេ តេ ពុទ្ធវីរត្ថុ   វប្បមុត្តោសិ សព្វធិ

      នម្ពោធប្បដិន្នោស្មិ តស្ស មេ សរណំ ភគវាតិ។

អថខោ ភគវា សុរិយំ ទេវុត្តំ អារព្ភ រាហុំ អសុរិន្ទំ គាថាយ អជ្ឈភាសិ

      តថាគតំ អរហន្តំ សុរិយា សរណំ គតោ រាហុ សុរិយំ

      បមុញ្ចស្ស ពុទ្ធា លោកា នុកម្បកា យោ អន្ធការេ

តមសី បភង្ករោ វេរាចនោ មណ្ឌលោឧគ្គតេជោមា

រាហុ គិលី ចរមន្តលិក្ខេ បជំ មម រាហុ មបិញ្ច សុរិយន្តិ។

អថខោ រាហុ អសុរិន្ទោ សុរិយំ ទេវបុត្តំ មុញ្ចិត្វា តរមានតូបោ យេន វេបចិត្តិ អសុរិន្ទោ តេនុបសង្កមិ  ឧបសង្កមិត្វា សំវិគ្គោ លោមហដ្ឋជាតោ ឯកមន្តំ អដ្ឋាសិ។ ឯកមន្តំ ឋិតំ ខោ រាហុំ អសុរិន្ទំ វេបចិត្តិ អសុរុន្ទោ គាថាយ អជ្ឈភាសិ

      កិន្នុ សន្តរមានោ វ​ រាហុ    សុរិយំ បមុញ្ចសិ

      សំវិគ្គរូបោ អាគម្ម កិន្នុ      ភីតោ វ តិដ្ឋសីតិ។

សត្តធា មេ ផលេ មិទ្ធា ជីវន្តោ ន សុខំ លភេ ពុធ្ធគាថាភិគីតោម្ហិ នោ ចេ មុញ្ចេយ្យ សុរិយន្តិ សុរិយបរិត្តបាឋោ សនិដ្ឋិតោ។